Uko wahagera

Etiyopiya: Ubushyamirane Hagati y'Ingabo za Leta n'iza Tigray Burabandanya


Muri Etiyopiya ubushyamirane hagati y'ingabo za Leta n'iz'intara ya Tigray bukomeje gutera abaturage guhungira muri Sudani mu gihe abenshi bagwa muri izo mvururu. Geoffrey Mutagoma akomeze iyo nkuru.

Kuri uyu wa Gatanu Ministri w'Intebe wa Etiyopiya Abiy Ahmed yatangaje ko inteko ishinga amategeko yatoye umuyobozi mushya w'intara ya Tigray, imaze kwambura Debretsion Gebremichael wayiyoboraga ubudahangarwa bwamirindaga gukurikiranwa n'itegeko.

Abategetsi b'intara ya Tigray bararegwa kugambanira igihugu n'iterabwoba.

Ubutegetsi bwo mu ntara ya Tigray bugoswe n'ingabo za Leta zagabye ibitero ku ngabo zirwanirira iyo ntara, bihitana abaturage benshi. Umuryango uharanira uburenganzira bwa muntu Amnesty International mu ntangiriro z'iki cyumweru wavuze ko ibyabaye muri iyo ntara ari 'ubwicanyi'

Umuryango w'Abibumbye watatanze imbuzi ko abantu benshi bashobora kuhahurira n'ibibazo by'urusobe, mu gihe abarenga 11,000 bamaze kwisuka muri Sudani bahunga izo mvururu.

Ubushyamirane bwatangiye kuvuka muri ako karere kuva mu kwezi kwa cyenda ubwo intara ya Tigres igizwe na za Leta z'uturere 9 yakoraga amatora yayo, Ministri w'Intebe Abiy Ahmed amaze kwigiza inyuma italiki y'amatora kubera ikiza cya Covid 19

Facebook Forum

XS
SM
MD
LG