Mu itangazo yasohoye, Abiy Ahmed yavuze ko Reta yiwe ishima abarajwe ishinga n’ikibazo c’umutekano muke kibandanya kuvugwa mu ntara ya Tigray, ariko ko uko biri kose Etiyopiya ifise ubushobozi bwo gutorera umuti iki kibazo atawe irinze kuzerako inze.
Abiy Ahmed yiyamye amakungu mu gihe ikiringo c’amasaha 72 yari yahaye abagize umugambwe, TPLF, uri ku butegetsi mu muri iyo ntara ya Tigray, ngo babe bamanitse amaboko gihera uno munsi mw’ijoro ku masaha ya Etiyopiya. Indongozi z’uwo mugambwe ako kamo twibutse ko zakamiriye kure.
Hagati aho, Umuryango w’Ubumwe bwa Bulaya wagabishije ko umutekano muke uri mu ntara ya Tigray wamaze kugira ingaruka mu karere ka Afrika y’ubuseruko. Uwujejwe ivy’imigenderanire muri uwo muryango ari we Josep Borrell, yasavye ashimitse ko ingwano ihagarara, abakeneye gufashwa bikoroha ko baronswa imfashanyo.
Ikibazo c’umutekano muke mu ntara ya Tigray gitegwa ahanini n’iyo ntara iri mu zigize Etiyopiya ariko igashaka kwigenga. Kuva caduka haraheze hafi indwi zitatu, kimaze guhitana abaharurwa mu majana comora mu zabo abarenga ibihumbi 40 bahungiye ahanini muri Sudani
Facebook Forum