Uko wahagera

Etiyopiya: Intara ya Tigre Izakoresha Amatora Irenze ku ma Bwiriza ya Reta


Umushikiranganji wa mbere wa Etiyopiya Abiy Ahmed

Intara ya Tigre muri Etiyopiya izakoresha amatora irenze ku mabwiriza ya guverinema y’igihugu. Tigre izakoresha amatora kuwa gatatu ititaye ku mabwiriza ya leta. Ni kimwe mu bibazo minisitiri w’intebe Abiy Ahmed aherutse guhura nabyo mu bijyanye n’abayobozi bagaragaza ubukana mbere y’amatora azaba mu gihugu mu mwaka utaha.

Abiy yakoresheje amavugurura ya demokarasi kuva afashe ubutegetsi mu gihugu cya kabiri mu bituye cyane muri Afurika, hashize imyaka ibiri. Cyakora guverinema y’igihugu n’amashyaka manini arwanya ubutegetsi, byemeranyijwe gusubika amatora mu gihugu no mu ntara ateganyijwe mu kwezi kwa munani kuzageza igihe icyorezo cya COVID-19 kizaba kimaze kugenza amaguru make.

Intara ya Tigre, abayobozi bayo bari biganje mu buyobozi bwabanje kandi bakaba bararwanyije Abiy bivuye inyuma, batangaje ko uko byagenda kwose bazakoresha amatora.

Getachew Reda wahoze ari minisitiri w’itangazamakuru muri guverinema y’igihugu cyose yagize ati: “Turabizi ko Abiy yavuze ko igisilikare kizarwanya Tigre ndetse n’amafaranga agahagarikwa, ariko ntakizahinduka tuzatora”. Reda ni umuvugizi w’ishyaka riharanira kuboza intara ya Tigre, Tigray People’s Liberation Front. Ati turabizi ko hazaba ingaruka”.

Abiy nta bintu byinshi yatangaje ku mugambi we. Umuvugizi w’ibiro bye yavuze mu butumwa bwanditse kuri telefoni ko itora rizatuma haba igisubizo gishingiye kw’itegeko nshinga, abwira Reuters kubaza inteko ishinga amategeko.

Umuvugizi w’inteko Ato Gebru Gebresilasie ariko, ntiyitabye telefone ngo agire ibisobanuro atanga. Cyakora raporo y’umuryango International Crisis Group, yaburiye mu kwezi gushize ko impande zombi ziri hafi kugongana kandi ko Tigre iramutse ikoze amatora, guverinema ya Abiy, yiteguye gufata abo bayobozi bashya b’intara nk’abatemewe n’amategeko.

Facebook Forum

XS
SM
MD
LG