Uko wahagera

DRC: Abantu Batatu Biciwe mu Myigaragambyo


Ifoto ya kahise yerekana imyiyerekano yo mu 2018 muri Congo

Abantu batatu bishwe kuri uyu wa mbere muri Repubulika Iharanira demokarasi ya Congo, ubwo polise yarasaga mu bigaragambyaga biturutse ku mutekano muke nk’uko umutegetsi wo mu karere yabibwiye ibiro ntaramakuru by’abafaransa AFP.

Dona Kibwana umuyobozi mu ntara ya Beni yagize ati: “Habaye imyigaragambyo yaguyemo abantu batatu- umugabo w’imyaka 25 yarashwe mu nda apfira mu bitaro, impunyu yarashwe yihise yitaba Imana, undi mwana warashwe nawe yarapfuye”.

Ibyo byabereye i Oicha umujyi uri mu bilometero hafi 30 uvuye mu mujyi wa Beni mu majyaruguru y’igihugu.

Noella Katongerwaki, uhagarariye imiryango gakondo mu ntara ya Beni, yavuze ko Polise yasandaje abigaragambyaga ibarasamo amasasu mazima n’ibyuka biryana mu maso.

Oicha, umurwa mukuru w’intara ya Kivu ya ruguru wabereyemo ubwicanyi, gutegekwa kwigura hamwe n’urundi urugomo rwawubayemo karande.

Ni akarere kugarijwe n’icyorezo cya Ebola, kari mu nzara z’abarwanyi, bishe abantu amagana mu myaka itanu ishize.

Imyigaragambyo Oicha yabaye nyuma y’umunsi umwe habaye igitero cyitiriwe abarwanyi b’abayisilamu bo muri Uganda, mu mutwe witwa Allied Democratic Forces. Ni imyigaragambyo yaguyemo abantu babiri. Abaturage barasaba abashinzwe umutekano gukora akazi kabo bakabarinda.

Facebook Forum

XS
SM
MD
LG