Uko wahagera

COVID19: Nijeriya Yongereje Igihe co Kuguma mu Rugo


Mu gihugu cya Nijeriya ubutegetsi bwongereye igihe cyo kuguma imuhira mu bice bibarizwamo urujya n’uruza rw’abantu benshi mu rwego rwo gukumira ikwirakwira ry’icyorezo cya virusi ya Corona.

Perezida wa Nijeriya Muhammadu Buhari yongereye igihe cy’ibyumweru bibiri kuri gahunda yo kuguma mu rugo mu murwa mukuru Abuja, i Lagos no mu ntara ya Ogun bihana imbibe.

Aho hose harangwa urujya n’uruza rw’abantu benshi; ubutegetsi bwafashe icyo cyemezo muri gahunda yo kugabanya umuvuduko w’ikwirakwira rya virusi ya Corona. Itangazo rya Perezida Buhari risaba abantu kuguma imuhira ryongerewe iminsi mu gihe iminsi yari yategetswe yagombaga kurangira ejo ku wa mbere.

Abantu 323 banduye Virusi ya Corona muri Nijeriya bari mu mujyi wa Lagos utuwe cyane kurusha iyindi muri icyo gihugu, no mu murwa mukuru Abuja. Muri Nijeriya Virusi ya Corona imaze guhitana abantu 10. Perezida Buhari yaburiye abaturage ko kuguma mu rugo ari igikorwa cyo guhitamo kubaho cyangwa gupfa.

Facebook Forum

XS
SM
MD
LG