Uko wahagera

COVID-19: Perezida wa Afurika y'Epfo Cyril Ramaphosa mu Kato


Perezida wa Afurika y'Epfo Cyril Ramaphosa
Perezida wa Afurika y'Epfo Cyril Ramaphosa

Perezida w'Afrika y'Epfo, Cyril Ramaphosa, yishyize mu kato nyuma yo kumenya ko hari umuntu uherutse kumwegera yaranduye virusi ya Corona. Perezidansi y'Afrika y'Epfo iratangaza ko nta bimenyetso by'ubwandu umukuru w'igihugu agaragaza, kandi ko azipimisha naramuka abigize. Gusa, kubera ko yegeranye n'umuntu waje kumenyekana ko arwaye Covid-19, ni ngombwa ko nawe aba agiye mu kato.

Afrika y'Epfo ni cyo gihugu cy'Afrika cyakozweho cyane na virusi ya Corona kurusha ibindi byo ku mugabane. Abaturage bayo barenga ibihumbi 700 barayanduye, barimo na minisitiri w'ubuzima, Zweli Mkhize, n'umutegarugoli we. Covid-19 yahitanye kandi abandi baturage b'Afrika y'Epfo bagera ku bihumbi 20.

Mu kwezi kwa karindwi gushize ni bwo yari ikaze cyane. Nyuma yaje kugenda igabanuka, bituma Perezida Ramaphosa adohora ingamba za guma mu rugo, zari zimaze amezi atandatu ari iza mbere zikaze cyane ku isi, no gufungura imipaka y'igihugu.

Mu cyumweru gishize, minisitiri Zweli Mkhize yatangaje ko virusi ishobora kugaruka cyane na none mu gihugu, amaze kubona ko ari ko birimo bigenda mu mujyi wa Capetown, umujyi munini wa kabiri n'umurwa mukuru w'inteko ishinga amategeko y'Afrika y'Epfo.

Facebook Forum

XS
SM
MD
LG