Nk’uko tubikesha kaminuza Johns Hopkins yo muri Leta zunze ubumwe z’Amerika, virusi ya Corona imaze guhitana abantu barenga ibihumbi 35 ku isi yose. Abayirwaye ni hafi ibihumbi 738. Abayikize ku isi yose bo bararenga ibihumbi 156.
Leta zunze ubumwe z’Amerika ni yo iri ku isonga mu mibare y’abanduye virusi ya Corona. Bararenga ibihumbi 143. Ikurikirwa n’Ubutaliyani bufite abarwayi b’iyi virusi hafi ibihumbi ijana.
Ibihugu 183 kw’194 bigize Umuryango w’Abibumvye bivuga ko virusi ya Corona yabigezemo.
Ku birebana n’abantu bari mu kato mu ngo zabo ku isi, ikigo ntaramakuru AFP cyo mu Bufaransa kivuga ko barenga miliyari eshatu na miliyoni 400, mu bihugu 80. Ni ukuvuga hafi abaturage 43% by’abatuye isi.
Mu rwego rwo kuvura virusi ya Corona muri Leta zunze ubumwe z’Amerika, ikigo cy’igihugu kigenzura ubuziranenge bw’imiti n’ibiribwa FDA (mu magambo ahinnye y’Icyongereza) cyatanze uruhushya rwo gukoresha umuti usanzwe uvura Malariya wa cloroquine uvanze n’uwitwa hydroxychloroquine.
Yombi igomba gukoreshwa mu bitaro gusa. Birabujijwe ko umuntu ku giti cye yayivurisha.
Facebook Forum