Umubare w’abantu bamaze kwicwa na virusi ya Corona mu gihugu cy’Ubushinwa umaze kugera ku 1,110.
Komisiyo ishinzwe iby’ubuzima mu ntara ya Hubei yatangaje ko yamenye ko abandi bantu 94 bishwe n’icyo cyorezo.
96 ku ijana ry’abamaze guhitanwa niyo ndwara ni abo mu mujyi wa Wuhan, umurwa mukuru w’intara ya Hubei, iyi virus yavukiye, nk’uko umuryango witwa American Medical Association (AMA) wabitangaje.
Abanduye virus ya Corona bararenga 43,000. Muri bo 30 ku ijana ni abaganga n’abaforomo. AMA isanga ibi biteye impungenge z’uko inzego z’ubuvuzi zose zishobora gusenyuka mu mujyi wa Wuhan.
Hagati aho, ibitangazamakuru bya leta y’Ubushinwa bivuga ko abayobozi bakuru babili b’inzego z’ubuvuzi mu ntara ya Hubei birukanwe ku milimo yabo.
Kuri ubu, iyo virus yamaze guhabwa irindi zina n’ishami ry’umuryango w’abibumbye ryita ku buzima. Ubu yitwa COVID-19.
Facebook Forum