Uko wahagera

Urubanza Rw’ Abafatanyacyaha ba Me Ntaganda


Ubushinjacyaha bwamenyesheje urukiko rukuru ko bukuyeho ikirego bwari bwarushyikirije, narwo ruca ruvuga ko ruzatangaza umwanzuro ku ya 28 z’uku kwezi turimwo.

Ubushinjacyaha bwikuye mu rubanza rw’abafatanyaha ba Me Ntaganda. Ubushinjacyaha bwari bwajuririye urukiko rukuru, rusaba ko abafatanyacyaha 8 b’umunyepolitiki utavuga rumwe n’ubutegetsi mu Rwanda, Me Ntaganda Bernard, nabo bafatwa, bagakurikiranwa bari mu buroko nka Ntaganda, aho kuba hanze.

Ku ya 23 z’ukwezi kwa 8 mu mwaka wa 2010, ubushinjacyaha bwavuze, imbere y’urukiko rukuru, ko butakibakurikiranye, ko bukuyeho ikirego bwashyikirije urukiko rukuru. Urukiko rwavuze ko ruzatangaza umwanzuro ku ya 28 z’ukwezi kwa 8 mu mwaka wa 2010.

Ubushinjacyaha bukurikiranyeho abafatanyacyaha ba Me Ntaganda, icyaha cyo kurema umutwe w’abagizi ba nabi, no gukora imyigaragambyo itemewe n‘amategeko. Abo bafatanyacyaha be bakomoka mu mashyaka atavuga rumwe n’ubutegetsi mu Rwanda ariyo FDU Inkingi na PS Imberakuri, nabo bari batawe muri yombi ku ya 24 z’ukwezi kwa 6 mu mwaka wa 2010, ubwo bateguraga imyigaragambyo ikaburizwamo na polisi y’u Rwanda.

Ubushinjacyaha bwavuze ko urubanza ni rutangira kuburanishwa mu mizi yarwo, aribwo buzasuzuma niba ari ngombwa ko nabo bakongera gutumizwa.

XS
SM
MD
LG