Abakozi bagera 2,000 bo mu bitaro bya Hong Kong bari mu myigarambyo yatangiye ku wa mbere basaba ko imipaka yose ijya mu mujyi wa Wuhan wo mu Bushinwa wabaye indiri ya Virus ya Corona ifungwa.
Kugeza ubu iyo virusi imaze guhitana abantu 425.
Twibutse ko Hong Kong yigeze kwibasirwa n’icyorezo gifata imyanya y’ubuhumekero cya SARS mu myaka ya za 2002-2003.
Abayobozi mu nzego z’ubuzima muri Hong Kong bavuze ko bamaze kubona umuntu umwe ushobora kuba yaranduye virus ya Corona nyuma y’uko asuye umujyi wa Wuhan.
Hagati aho ubuyobozi bw’umujyi wa Macau nawo wo mu Bushinwa bwatangaje ko bugiye gufunga ahantu hose hakinirwa urusimbi izwi nka kasino mu gihe cy’iby’umweru bibiri mu rwego rwo kugabanya ikwirakwizwa rwa virus ya Corona.
Ubu umubare w'abamaze kwemezwa ko banduye iyi virusi mu Bushinwa urarenga 20000, mu gihe abagera ku 150 aribo bamaze kwandura mu bihugu 23.
Ubushakashatsi bumaze gukorwa n’abahanga bo muri Wuhan Institute Virology, bafite ubunararibonye mu ndwara za virusi bemeza ko iyi virusi ya Corana imeze nk'iyabonetse mu tunyoni twitwa uducurama mu ntara ya Yunnan ku kigero cya 96 ku ijana.
Ishami ry’umuryango w’abibumbye ryita ku buzima OMS riravuga ko imibare y'abandura iyi virusi ikomeza kuzamuka ishingiye ku bisubizo by’ibizami bikorerwa abakekwaho kuyandura.
Umuvugizi wa guverinema mu Bushinwa Hua Chunying anenga Leta zunze Ubumwe z’Amerika ko ikwirakwiza ubwoba mu bantu aho kubafasha guhangana n’icyo cyorezo.
Facebook Forum