Uko wahagera

Reta y'Ubushinwa Yemereye Imiryango Kuvyara Abana Batatu


Bamwe mu bana n'abavyeyi babo i Beijing

Ubushinwa bwongereje abana imiryango yemerewe kuvyara: bavuye kuri babiri baja kuri batatu. Itororokanirizo ry’amakuru y’Ubushinwa, Xinhua, ryatangaje ano makuru rivuga ko iyi ngingo yafatiwe mu nama y’umugambwe wa gikoministe yari irongowe na Prezida Xi Jinping, yafashwe bivuye ku bitigiri vy’abana bavuka vyagabanutse cane muri ico gihugu.

Prezida Xi Jinping yavuze ko ino ngingo izoherekezwa n’izindi ngingo zo gushigikira politike yo kugwiza uruvyaro no gutuma abakiri bato baba benshi gusumba abageze mu za bukuru. Ntiyigeze yamara atomora kamere k'ingingo zizoherekeza iyo politike nshasha.

Mu 2016, Ubushinwa bwafashe ingingo nk’iyi burekurira imiryango kuvyara abana babiri ha kuvyara umwana umwe. Ico gihe naho nyene bwashaka kongereza ibiharuro vy’abana bavuka ariko kubera ubuzima buzimvye, imiryango itari mike yabandanije yivyarira umwana umwe rudende.

Rusansuma iheruka gukorwa mu Bushinwa yerekanye ko ibiharuro vy’abana bavuka ari ubwa mbere biri hasi cane kuva mu mwaka w’1950.

  • 16x9 Image

    Diane Nininahazwe

    Diane Nininahazwe akorera igisata c'Ikirundi n'Ikinyarwanda kuva mu 2015. Imbere yo gutangura gukorera ku cicaro gikuru i Washington-DC nk'umumenyeshamakuru n'uwushinzwe imbuga ngurukanabumenyi z'ico gisata (Digital Lead), yakoreye Ijwi ry'Amerika mu Burundi, i Buraya ku murwa mukuru w'Ubudagi i Berlin, no mu gisagara ca Los Angeles muri Reta ya California iri mu burengero bushira ubumanuko bw'Amerika. Umwuga wo kumenyesha amakuru yawutanguye mu 2004 aho yakoreye ibimenyeshamakuru bitandukanye birimwo iradiyo yigenga Bonesha Fm n'ikimenyeshamakuru c'Abafaransa, Le Point Afrique. Imbere yo gukorera Ijwi ry'Amerika, Nininahazwe yarakoze nk'umumenyeshamakuru yigenga ibiganiro vy'amashirahamwe yigenga arimwo iryo mu Buholande, La Benevolencija, iry'Abanyamerika, PSI, iry'Abadagi, EIREN, na CED-Caritas Burundi. Kuva mu 2011, ari mu murwi w'abamenyeshamakuru igisata ca ONU kiraba ivy'ubutunzi, UNECA, gikoresha nk'abigenga mu gukurikirana amanama mpuzamakungu ku vy'ihindagurika ry'ibihe n'iterambere rirama. Afise impamyabushobozi ya kaminuza mu gisata co kumenyesha amakuru mu bijanye n'iterambere (Communication Pour le Développement), n'urupapuro mu vy'umwuga wo kumenyesha amakuru muri rusangi (Multimedia Journalism). Amaze gutahukana ubushimwe butandukanye mu vy'ukumenyesha amakuru burimwo bubiri mpuzamakungu.

Facebook Forum

XS
SM
MD
LG