Uko wahagera

Burundi: Abatanguje Ishirahamwe Rihuza Abashaka Kurongorana Bahagaritswe


Ishusho ngereranyo y'umusore n'inkumi bakundana

Kuri uyu wa gatatu, igipolisi ca Bujumbura cahagaritse Ishirahamwe ''Favorite Partner Company'' rijejwe guhuza imisore n’inkumi bashaka kubakana. Abagabo 2 batwara iryo shirahamwe bafashwe bajanwa gufungwa.

Ishirahamwe “Favorite Partner Company'' ryahagaritswe n’igipolisi c’Uburundi ryari ryavutse mu kwezi guheze. Ryari ryihaye intumbero yo guhuza abasore n’abigeme bakeneye kubakana.

Umuvugizi w’ubushikiranganji bw’intwaro yo hagati mu gihugu, umutekano n’iterambere rusangi, Pierre Nkurikiye, yatangaje ko ivyo biciye kubiri n’imico n’akaranga k’Uburundi, kandi ko bigamije no gusambura ingo no gushishikariza abantu gukora umwuga wo kudandaza igitsina.

Iryo shirahamwe ryoryo rimenyesha ko ryari ryahawe uburenganzira bwo gukora n’inzego zibijejwe kandi ko ryatanga n’amakori n’amatagisi. Yamara, igipolisi kivuga ko ivyo ryasabiye uruhusha atari vyo ryagiye gukora, rikongerako ko ivyo ryakoze bijanye n’uguhungabanya umutekano w’igihugu.

Ni irya mbere mu Burundi haba ishirahamwe rivyemanga rikaja ahabona, rigakora igikorwa co guhuza inkumi n’imisore.

Umviriza mu majwi aho hasi inkuru ya Pierre Claver Niyonkuru

Abahuza Abashaka Gukunda Ubavugako iki?
please wait

No media source currently available

0:00 0:03:14 0:00



  • 16x9 Image

    Diane Nininahazwe

    Diane Nininahazwe akorera igisata c'Ikirundi n'Ikinyarwanda kuva mu 2015. Imbere yo gutangura gukorera ku cicaro gikuru i Washington-DC nk'umumenyeshamakuru n'uwushinzwe imbuga ngurukanabumenyi z'ico gisata (Digital Lead), yakoreye Ijwi ry'Amerika mu Burundi, i Buraya ku murwa mukuru w'Ubudagi i Berlin, no mu gisagara ca Los Angeles muri Reta ya California iri mu mu burengero bushira ubumanuko bw'Amerika. Umwuga wo kumenyesha amakuru yawutanguye mu 2004 aho yakoreye ibimenyeshamakuru bitandukanye birimwo iradiyo yigenga Bonesha Fm n'ikimenyeshamakuru c'Abafaransa, Le Point Afrique. Imbere yo gukorera Ijwi ry'Amerika, Nininahazwe yakora ibiganiro vy'amashirahamwe yigenga arimwo iryo mu Buholande, La Benevolencija, iry'Abanyamerika, PSI, iry'Abadagi, EIREN, na CED-Caritas Burundi. Kuva mu 2011, ari mu murwi w'abamenyeshamakuru igisata ca ONU kiraba ivy'ubutunzi, UNECA, gikoresha nk'abigenga mu gukurikirana amanama mpuzamakungu ku vy'ihindagurika ry'ibihe n'iterambere rirama. Afise impamyabushobozi ya kaminuza mu gisata co kumenyesha amakuru mu bijanye n'iterambere (Communication Pour le Développement), n'urupapuro mu vy'umwuga wo kumenyesha amakuru muri rusangi (Multimedia Journalism). Amaze gutahukana ubushimwe butandukanye mu vy'ukumenyesha amakuru burimwo bubiri mpuzamakungu.

Facebook Forum

XS
SM
MD
LG