Uko wahagera

Burkina Faso: Abasivili 100 Bishwe n'Abataramenyekana Majyaruguru y'Igihugu


Muri Burkina Faso, leta yatangaje ko abantu bitwaje intwaro bishe abasivili 100 mu gitero cyagabwe mu cyaro cyo mu majyaruguru y'icyo gihugu.

Itangazo ryasohowe na leta riravuga ko icyo gitero cyagabwe mu ijoro ryo kuwa gatanu gihitana abaturage bo mu cyaro cy'ahitwa Soltan mu ntara ya Yagha ihana urubibe n'igihugu cya Nijeri. Batwitse amazu n'isoko.

Leta yavuze ko icyo gitero cyagabwe n'umutwe w'iterabwoba ariko kugeza ubu ntawe urigamba ibyo bikorwa.

Kuva uyu mwaka utangiye, ibitero bigabwa n'imitwe y'intagondwa z'aba Jihadiste bafitanye isano na al-Qaida n'abashaka leta ya cyisilamu byariyongereye cyane muri Burkina Faso, Mali na Nijeri aho bikomeza kwibasira abaturage.

Leta yategetse ko mu gihugu cyose haba icyunamo cy'amasaha 72 kuzirikana abahitanywe n'icyo gitero. Biravugwa ko cyahitanye abagera ku 1000.

Muri Burkina Faso, imvururu nk'izi zimaze gukura mu byabo abagera kuri miliyoni 1.14 mu gihe kirenga gato imyaka ibiri. Icyo gihugu kandi gicumbikiye izindi mpunzi zigera ku 20,000 zaje zihunga aba jihadiste zivuye mu gihugu cya Mali bituranye.

Facebook Forum

XS
SM
MD
LG