Uko wahagera

Joe Biden Ahakana ko Atigeze Ahohotera uwahoze ari Umukozi Wiwe


Joe Biden, Kandida w'umudemokrate mu matora y'umukuru w'igihugu.

Joe Biden, umukandida w’ishyaka ry’Abademokarate ku mwanya wa perezida wa Leta zunze ubumwe za Amerika, yahakanye yivuye inyuma ko atigeze ahohotera uwahoze ari umukozi wiwe.

Biden wabaye visi perezida k’ubutegetsi bwa Perezida Barack Obama yahakanye amakuru akomeje gukwirakwizwa na Tara Reade, wahoze ari umukozi mu biro bye, umushinja kumukorakora ku gitsina.

Mu itangazo, Biden, avuga ko ibyo uwo mugore avuga ko byabaye mu myaka 27 ishize, bitigeze bibaho. Yagize ati: "Ntabwo ari ukuri. Ibi ntibyigeze bibaho."

Ni ku nshuro ya mbere Biden agize icyo avuga kuri ibyo birego bimaze iminsi mu bitanganzamakuru. Biden w’imyaka 77 yavuze ko abahoze ari abayobozi b’uyu Reade, ndetse n'abahoze ari abakozi bakuru mu biro bye bavuze nta gushidikanya, ko atigeze abegera ngo yitotomba cyangwa ngo atange ibibazo.

Reade w’imyaka 56, aherutse gutangaza ku mbuga nkoranyambaga ko yareze Biden kumukorakora munsi yi ijipo.

Biden, wamaze gutangaza ko aramutse atsinze azatora umugore ngo amubere visi perezida, yashimangiye ko ubuzima bwe bwose yabuhariye kuzamura imibereho myiza y’abagore, harimo no kwandika itegeko rihana ihohoterwa rikorerwa abagore.

Facebook Forum

XS
SM
MD
LG