Umudepite muri Leta ya West Virginia ushyigikiye perezida Trump wifotoye yinjira mu nzu y'inteko ishinga amategeko y'Amerika mu buryo butemewe, n'umuturage wa Arkansas wafotowe yicaye mu mu ntebe ya perezida w'inteko ishinga amategeko y'Amerika, bari mu bantu beranga 12 baregwa n'ubushinjacyaha mu iperereza ku bagabye igitero ku ngoro y'inteko ishinga amategekoy'Amerika ku wa gatatu, nkuko abategetsi babitangaza.
Derrick Evans, Umurepubulikani akaba umwe mu badepite ba Leta ya West Virginia araregwa kwinjira ahantu habujijwe mu nzu y'inteko ishinga amategeko y'Amerika. Uyu yahitishije amashusho ye ku rubuga rwa Facebook yigaragaza we n'agatsiko kabo bari kumwe mu myigaragambyo bamenera mu nteko ishinga amategeko. Hari aho bateraga hejuru bagira bati "Twagezemo, twagezemo". Mu yandi mashusho Evans yari yashyize ku rubuga rwa Facebook ariko ubu yasibwe, yari yavuze ko bari bugabe igitero kuri iyo ngoro.
Uruhare rw'uyu mudepite wa leta ya West Virginia rwatumye hari abatangira gusaba ko yegura no kunenga umuyobozi w'iyo Leta.
Evans ntabwo yashoboye kuboneka ngo agire icyo atangaza ariko umwunganira mu mategeko, John Bryan, yavugiye kuri Televiziyo mpuzamahanga ya CNN ko byagaragariraga Evans ko atari akwiriye gukurikira abigaragambirizaga ku nteko ishinga amategeko y'Amerika.
Ifoto ya Richard Barnett, umuturage we Leta ya Arkansas imwerekana yicaye mu ntebe ya Nancy Pelosi yashyize ibirenge ku meza, niyo yagaragaje isura y'imyigaragambyo n'igitero cyagabwe ku nteko ishinga amategeko y'Amerika mu myaka irenga 200 isize.
Barnett, w'imyaka 60 yatawe muri yombi ku wa gatanu mu gitondo afatiwe ahitwa Little Rock. Aregwa kwinjira mu biro bya perezida w'inteko ishinga amategeko no gusiga icyo yise "inyandiko mbi", nkuko bitangazwa n'abategetsi. Araregwa ibyaha bitatu: kwinjira abizi no kuguma aho bibuzwa n'amategeko; kwinjira ahantu akoresheje igitugu no kwitwara nabi ku butaka bw'inteko ishinga amategeko y'Amerika; no kwiba amafaranga n'amabanga ya rubanda nkuko byatangajwe n'urukiko ku wa gatanu
Facebook Forum