Uko wahagera

Amerika Yemeye Impozamarira ku Miryango y'Abahitanywe n'Igisasu Yarashe


Inzu y'umuryango wa Ahmadi wahitanywe n'igisasu

Ministeri y'Ingabo ya Leta zunze ubumwe z'Amerika kuri uyu wa gatanu yatangaje ko izatanga impozamarira ku miryango y'abantu 10 biciwe i Kabul muri Afghanistani n'indege zayo zitagira umupilote mu kwezi kwa munani mu buryo butari bugenderewe.

Umuvugizi wa ministeri y'ingabo y'Amerika John Kirby abinyujije mu nyandiko, yatangaje ko arimo gukorana na ministeri y'ububanyi n'amahanga y'Amerika gufasha abakiriho muri iyo miryango kwimukira muri Leta zunze ubumwe z'Amerika

Taliki ya 29 z'ukwa munani igisasu cyo mu bwoko bwa misile kirashwe n'ingabo z'Amerika cyafashe imodoka yari itwawe na Zemerai Ahmadi akimara kwinjira muri parikingi y'iwe. Abahitanywe n'icyo gisasu bose hamwe ni 10 harimo n'abana 7.

Umugaba w'ingabo z'Amerika, Jenerali Frank MacKenzie, yatangaje ko ibi byabayeho ari "ikosa riteye agahinda" yemeza ko iki gisasu cyahitanye abasivili b'inzirakarengane.

Icyo gisasu cyarashwe nyuma yuko umwiyahuzi ushyigikiye matwara ya leta ya Kisilamu yiturikirijeho ikindi gisasu gihitana Abanyafuganistani 169 n'abasirikare b'Amerika 13 mu marembo y'ikibuga cy'indege cy'i Kabul mu kwezi kwa munani.

Facebook Forum

XS
SM
MD
LG