Amerika Yahaye Afuganistani Inkingo za Covid 19

Inkingo miliyoni imwe n’ibihumbi magana ane za COVID-19 z’infashanyo ya Leta zunze ubumwe z’Amerika, zageze muri Afuganisitani uyu munsi kuwa gatanu.

Ni inkingo za Johnson & Johnson, zizagezwa muri Afuganisitani mu byiciro bibiri muri uku kwezi nk’uko bivugwa mw’itangazo ry’ikigega cya ONU cyita ku bana, UNICEF.

Icyiciro cya kabiri cy’inkingo z’infashanyo y’Amerika zizatangwa binyuze mu mugambi rusange COVAX, kizatuma zose hamwe ziba miliyoni eshatu n’ibihumbi magana atatu nk’uko UNICEF ikomeza ibivuga. Infashanyo y’inkingo ya Leta zunze ubumwe z’Amerika, ije mu gihe ingabo z’iki gihugu zirimo kuva muri Afugahisitani, nyuma y’imyaka 20 y’intambara mu gihugu.

Izo nkingo ziri mu mugambi wa perezida w’Amerika, Joe Biden warahiriye, kuzasangira ingingo miliyoni 80, ahanini binyuze mu mugambi COVAX.

Herve Ludovic De Lys, uhagarariye UNICEF muri Afuganisitani, yavuze ko izo nkingo zihageze mu gihe zari zikenewe, aho igihugu kiri mu bibazo byaturutse ku bwandu bwa COVID-19 bwiyongereye.

Kugeza ejo kw’italiki ya 8 y’ukwezi kwa 7, muri Afuganisitani habarurwaga abantu banduye bwa mbere barenga 1200. Kw’itariki ya 21 y’ukwezi gushize kwa gatandatu habaruwe 1,853 nk’uko imibare yakusanyijwe n’ibiro ntaramakuru by’Abongereza, Reuters ibigaragaza. UNICEF ivuga ko abaturage b’Afuganisitani batarenze kimwe cya kane, aribo bakingiye.