Uko wahagera

Amerika n'Abatalibani Biteguriye Gusinya Amasezerano y'Amahoro


Ministri ushinzwe ububanyi n’amahanga wa Leta zunze ubumwe z’Amerika Mike Pompeo hamwe n’umutwe w’abarwanyi b’Abatalibani basohoye itangazo ko Leta y’Amerika n’uwo mutwe bazashyira umukono ku masezerano y’amahoro taliki 29 z’ukwa kabiri.

Izaba ibaye intambwe ikomeye yo kurangiza intambara yabaye ndende kurusha izindi mu mateka y’Amerika.

Ayo masezerano biteganijwe ko azashyirirwaho umukono i Doha muri Qatar, asaba ko Amerika yakura ingabo zayo muri Afghanistani mu byiciro bitandukanye naho umutwe w’Abatalibani ukizeza ko ubutaka bwa Afghanistani butazakorerwaho ibikorwa by’iterabwoba, kandi ukagira uruhare mu bikorwa byo kwiyunga n’abandi baturage b’Afghanistani.

Isinywa ry’ayo masezerano rizabanzirizwa no kugabanya ibikorwa by’urugomo uhereye ejo kuwa gatandatu taliki 22. Ibi bizubahirizwa n’impande zose zirebwa n’ikibazo: Ingabo z’Amerika ziri muri Afghanistani, abarwanyi b’Abatalibani n’ingabo z’Afghanistani. Gusa buri ruhande rwavuze ko ruramutse rushotowe rwakwirwanaho.

Facebook Forum

XS
SM
MD
LG