Uko wahagera

Amerika mu Rugendo rwo Gutsura Umubano mu Burasirazuba bwo Hagati


Anthony Blinken ministri w'ububanyi n'amahanga w'Amerika

Minisitiri w'ububanyi n'amahanga na minisitiri w'ingabo ba Leta zunze ubumwe z'Amerika bari mu rugendo mu Burasirazuba bwo Hagati. Bagiye gushimira inshuti z'igihugu cyabo uruhare bagize mu bikorwa byo gukura abantu muri Afuganistani.

Antony Blinken arasura Qatar. Azahava kuwa gatatu yerekeza mu Budage. Ku bantu 123.000 Leta zunze ubumwe z'Amerika yavanye muri Afuganistani, 55.000 babanje kuruhukira muri Qatar mbere yo gukomeza urugendo. Naho Ubudage, muri iki gihe bucumbikiye by'agateganyo bamwe muri bo mu kigo cy'ingabo z'Amerika kitwa Ramstein.

Antony Blinken na mugenzi we w'Ubudage, Heiko Maas, bazayoborera kandi muri iki kigo inama ku ikoranabuhanga ry'amashusho n'abandi ba minisitiri b'ububanyi n'amahanga b'ibihugu 20 byiyemeje kwakira impunzi zavuye muri Afghanistani.

Naho minisitiri w'ingabo wa Leta zunze ubumwe z'Amerika, Lloyd Austin, arimo aragenderera Qatar. Arahava yerekeza muri Bahrain, Koweit n'Arabia Saoudite.

Facebook Forum

XS
SM
MD
LG