Uko wahagera

Amerika Igiye Guhagarika Imfashanyo Yahaga Igisirikare cya Misiri


Ministri w'ububanyi n'amahanga w'Amerika Antony Blinken avugira ijambo mu Misiri

Ubutegetsi bwa Perezida Joe Biden wa Leta zunze ubumwe z'Amerika bugiye kwima Misiri inkunga ya miliyoni 130 z'Amadolari y'Amerika agenewe imfashanyo mu bya gisirikare muri icyo gihugu. Ibyo byatangajwe na ministeri y'ububanyi n'amahanga y'Amerika. Abategetsi b'Amerika baravuga ko icyo gikorwa kizaba ari mu rwego rwo guhana Misiri basanzwe babanye neza, izira ko ko itujuje ibisabwa n'amashyirahamwe aharanira uburenganzira bwa muntu.

Ministri w'Ububanyi n'Amahanga w'Amerika Anthony Blinken yavuze ko iyo mfashanyo izafatirwa Misiri n'iramuka itubahirije ibyo Amerika yayisabye. Muri byo harimo kurekura imfungwa za politike nkuko byemezwa n'abaharanira uburenganzira bwa muntu.

Amashyirahamwe y'uburenganzira bwa muntu ni yo yasabye Amerika gufatira imfashanyo y'amadolari y'Amerika agera kuri miliyoni 300 yari igenewe igisirikare cya Leta ya Perezida Abdel Fattah al-Sisi umaze iminsi atihanganira abatavuga rumwe n'ubutegetsi bwe.

Facebook Forum

XS
SM
MD
LG