Uko wahagera

Amaperereza ku Mafaranga yo Kurwanya Corona Yanyurujwe muri Afurika y’Epfo


Umushikirangtanji w'amagara y'abantu muri Afurika y'Epfo Zweli Mkhize

Abashakashatsi bo muri Afurika y’Epfo bavuze ko batangiye iperereza ku ikoreshwa ry’amafaranga y’igihugu yanyerejwe yo kurwanya covid-19. Iri perereza riri gukorwa ku bakozi babiri bari hafi cyane ya Ministiri w’Ubuzima.

Ibitangazamakuru byo muri Afurika y’Epfo byavuze ko Tahera Mather wahoze ari umuvugizi wa Ministiri w’Ubuzima Zweli Mkhize, na Naadhira Mitha wahoze amwungirije banyereje ama miliyoni mu ngengo y’imari ya Ministeri y’Ubuzima bifashishije isosiyete ikorera mu gihugu imbere.

Nk'uko ikinyamakuru cya Daily Maverick kibitangaza, kivuga ko Mitha na Mather, hingereyeho n’umuryango we hamwe n’abandi bantu batavuzwe amazina banyereje amafaranga abarirwa muri miliyoni 90 z’amafaranga akoreshwa muri iki gihugu.

Aya mafaranga yakuwe muri miliyoni 150 zari zahawe iyi sosiyete ya Digital Vibes biciye mu masezerano bari bagiranye yo gukora imirimo y’itumanaho muri Ministeri y’ubuzima. Mu nkuru yacyo, iki kinyamakuru gikomeza kivuga ko nta n'umwe muri aba bagore wagaragaye ko ari we wari uhagarariye iyi sosiyete ya Digital Vibes. Aya maperereza yagaragaje bwa mbere ko hari miliyoni 17 z’amadorali y’Amerika yagombaga gukoreshwa muri gahunda yo kwirinda covid-19, nyuma aza kunyerezwa kubera ruswa, n’uburiganya bwabaye hagurwa ibikoresho byo kwikingira byo mu bitaro bya Leta.

Ejo kuwa mbere Ministeri y’Ubuzima yasabye ibitangazamakuru n’abaturage kuyiha igihe gihagije nyuma y’uko amaperereza atarashyira ahagaragara umucyo kukutubahiriza amategeko, yemera ariko ko hari ibyo izatangaza. Iyi sosiyeye ya Digital Vibes, yari yaragiranye amasezerano na Ministere y’ubuzima kuva mu kwezi kwa gatatu umwaka wa 2020. Afurika y’Epfo nicyo gihugu cyo ku mugabane cyazahajwe cyane na Covid-19, aho kugeza ubu abarwayi bafite iyi virus barenga miliyoni n’igice n’aho abahitanywe nayo bakaba babarirwa ku bihumbi 56.

Facebook Forum

XS
SM
MD
LG