Uko wahagera

Amakuru kuri Virus ya Corona muri Irani Yoba Ariko Atangwa Neza?


Muri Irani, ikigo ntaramakuru Isna cyegamiye leta cyatangaje ko polisi yataye muri yombi abantu 24. Ibarega ibyo yise “kukwirakwiza impuha ziteye ubwoba kuri virus ya Corona.”

Iyi virus imaze guhitana abantu 19 muri Irani, mu gihe abandi bantu 139 bayanduye kugeza ubu.

Isna ivuga ko, uretse bariya 24 batawe muri yombi, polisi yahamagaje abandi bantu 118, ibahata ibibazo, ariko iza kubarekura imaze kubihanangiriza.

Umuryango mpuzamahanga RSF uharanira ubwisanzure bw’itangazamakuru wamaganiye kure ibi bikorwa bya leta ya Irani. Iti: “Ntabwo wavuga ngo ibintu bimeze neza ariko ukanga gutangaza amakuru nyayo kuri iki cyorezo. Noneho abanyamakuru bigenga nabo babigerageza ukabahutaza.”

RSF yemeza ko gushiza amakuru nabyo bishobora kwica. Irahera ku magambo y’umudepite umwe wa Irani witwa Ahmad Frahani, uhagarariye akarere ka Qom mu nteko ishinga amategeko, watangaje kuwa mbere ko virus ya Corona “yishe abantu 50 mu mujyi wa Qom nyamara minisiteri y’ubuzima ya Irani irabihisha.”

I Qom ni ho virus ya Corona ikomeye muri Irani. Kugeza ubu, Irani ni yo imaze gupfusha abantu benshi inyuma y’Ubushinwa.

Facebook Forum

XS
SM
MD
LG