Uko wahagera

Agaco Kitwaje Intwaro Kishe Abapolisi 5 muri Burkina Faso


Abagabo bafite intwaro batamenyekanye bishe abofisiye mu gipolisi batanu, mu gitero cyagabwe ku bashinzwe umutekano mu majyaruru ya Burkina Faso mu gitondo cya kare uyu munsi ku cyumweru. Abagabye igitero bagera muri 15 bishwe nk’uko minisitiri w’umutekano yabivuze mw’itangazo.

Ibyo byabereye mu ntara ya Sourou, hafi y’umupaka w’igihugu cya Mali, aho imitwe ya kiyisilamu ikorana n’umutwe wa al Qaida n’uwa Leta ya kiyisilamu yongereye ibitero muri iyi myaka ishize, n’ubwo amahanga yahagurukiye kuyihakura.

Minisitiri ushinzwe umutekano yavuze ko, abagabye igitero, bateye saa kumi n’imwe za mu gitondo kandi ko 15 muri bo, biciwe muri iyo mirwano.

Imitwe ya kiyisilamu yadutse mu mpande zose z’akarere ka Sahel muri Afurika, yica abantu ibihumbi, ikura abandi babarirwa muri za miliyoni mu ngo zabo muri Burkina Faso, Mali na Nijeri. Abantu babarirwa muri miliyoni imwe n’ibihumbi 200 bakuwe mu byabo n’urugomo muri Burkina Faso honyine.

(Reuters)

Facebook Forum

XS
SM
MD
LG