Uko wahagera

Afurika y’Epfo: Umubare w’Abarwayi ba COVID-19 Warenze 500 000


Perezida w'Afurika y'epfo Cyril Ramaphosa ubwo yasuraga ahavurirwa abarwayi ba COVID-19 ku kigo NASREC Expo Centre i Johannesburg, mu kwezi kwa kane taliki 24, 2020.
Perezida w'Afurika y'epfo Cyril Ramaphosa ubwo yasuraga ahavurirwa abarwayi ba COVID-19 ku kigo NASREC Expo Centre i Johannesburg, mu kwezi kwa kane taliki 24, 2020.

Afurika y’epfo yemeje ko abantu barwaye COVID-19 barenze igice cya miliyoni. Minisitiri w’ubuzima yabivuze ejo kuwa gatandatu. Ni mu gihe abarwaye iyo ndwara bose ku mugabane w’Afurika bakabakaba miliyoni imwe.

Afurika y’epfo, igihugu gikize ku nganda muri Afurika, cyabaruye abantu bashya 10 107 bemejweho COVID-19, bituma bose hamwe bagera ku bihumbi 503 290.

Abantu barenga gato miliyoni eshatu, nibo bapimwe iyo ndwara kugeza ubu muri Afurika y’epfo. Iki gihugu cyatangaje umurwayi wacyo wa mbere mu mezi atanu ashize. Hanabaruwe 8 153 bahitanywe n’iyo ndwara.

Ingamba Afurika y’epfo yashyiriyeho kubuza virusi ya corona gukwirakwira mu kwezi kwa gatatu, zakumiriye iyo ndwara amezi abiri, aho zimariye kworoshya, ubwandu bwongeye kuzamuka mu mezi abiri ashize.

Cyakora Perezida Cyril Ramaphosa, avuga ko ubwandu ku munsi busa n’ubwagenje amaguru make, by’umwihariko mu ntara zazahajwe kurusha izindi n’iyo ndwara, arizo Western Cape, Gauteng na Eastern Cape.

Afurika y’epfo iza ku mwanya wa gatanu mu bihugu bifite abantu benshi banduye virusi ya corona ku isi. Ibi byagize ingaruka ku rwego rw’ubuzima mu gihugu rwari rusanzwe rutorohewe.

Muri uku kwezi kwa munani, umushinga w’igihugu ukora imashini zifasha abarwayi ba COVID-19 guhumeka, uzatanga imashini 20 000 zakorewe mu gihugu. Perezida Ramaphosa yavuze ko zikenewe cyane, mu gihe guverinema ikomeje gutegura andi mazu, ibikoresho n’abakozi mu ntara zigifite ubwandu bwiyongera.

Facebook Forum

XS
SM
MD
LG