Uko wahagera

Abarwara COVID-19 Bakomeje Kwiyongera muri Amerika


Umuforomokazi Sandra Lindsay ukora ku bitaro bya Long Island muri Amerika ahabwa urukingo rwa Covid 19
Umuforomokazi Sandra Lindsay ukora ku bitaro bya Long Island muri Amerika ahabwa urukingo rwa Covid 19

Amerika ifite niyo ipfamo hafi umuntu umwe muri batanu bapfa kw’isi hose, bazize COVID-19. 

Kugeza kuri uyu wa mbere, Abanyamerika barenga ibihumbi 300 bari bamaze guhitanwa n’icyorezo cya Covid 19. Ni umunsi kandi umunyamerika wa mbere yahawe urukingo rwa virusi ya corona itera iyo ndwara.

Iyo mibare izamutse, hashize hafi ibyumweru bibiri, miliyoni z’Abanyamerika birengagije inama bagiriwe zo kwirinda gufata indege no guhurira mu miryango ku munsi w’ikiruhuko uzwi nka “Thanksgiving”.

Nk’uko imibare yatangajwe n’ikigo gikurikirana iby’iyi virusi Johns Hopkins Coronavirus Resource Center yabigaragaje, kugeza ejo kuwa mbere nyuma ya saa sita, Abanyamerika 300 494 bari bamaze kwicwa na COVID-19.

Amerika niyo ipfamo hafi umuntu umwe muri batanu bapfa kw’isi hose, bazize COVID-19.

Amerika kandi ni nayo kugeza ejo kuwa mbere yari irengeje abantu 110 549 bari mu bitaro nk’uko imibare y’umushinga ukurikirana ibya COVID-19 ibyerekena.

Minisitiri w’Ubudage we yahamagariye ikigo gishinzwe ibirebana n’amategeko mu muryango w’Ubumwe bw’Ubulayi, kwemeza vuba urukingo rushya rwa COVID-19, mu gihe uwo mugabane w’isi, urimo guhura n’ingaruka zikaze za guma mu rugomo zafatiwe kubuza iyo ndwara gukwirakwira. Jens Spahn, uyu munsi yasabye icyo kigo kwemeza urukingo rwakoze n’isosiyeti y’Amerika, Pfizer n’iy’Ubudage, BioNTech, bitarenze umunsi wa Noheli. Urwo rukingo ubu rwakwirakwijwe mu Bwongereza no muri Amerika nyuma yo kwemezwa.

Guverinema y’Ubudage yanasabye abaturage kwirinda guhaha mu minsi ibiri ibanziriza Noheli, mbere y’uko amaduka menshi afunga, no gukaza ingamba zijyanye n’intera hagati y’umuntu n’undi.

Minisitiri w’ubuzima w’Ubwongereza Matt Hancock nawe ejo kuwa mbere yavugiye mu nteko ishinga amategeko i Londre ko hafashwe ingamba nshya zo kurwanya icyorezo cya COVID-19, zikajijwe kubera ubwandu bwiyongereye kandi virusi yihinduranyije nk’uko byagaragaye mu majyepfo y’uburasirazuba bw’igihugu ahabonetse abantu 1 000 banduye.

Mu Buyapani naho, amaperereza mashya yakozwe yagaragaje ko abantu bashyigikiye isubikwa ry’imikino Olempike yo mu mpeshyi. Yari iteganyijwe mu kwezi kwa karindwi uyu mwaka, iza gusubikwa kubera icyorezo cya Virusi ya Corona.

Facebook Forum

XS
SM
MD
LG