Uko wahagera

Abaregwa Iterabwoba mu Bufaransa Barakatirwa


Abapolisi barinze ku miryango y'urukiko ruburanisha abaregwa kugaba ibitero ku kinyamakuru Charlie Hebdo

Abaregwa bose 14 bashinjwa kuba ibyitso cyangwa abafatanyacyaha mu bitero by'iterabwoba byo mu kwezi kwa mbere mu 2015 i Paris ku kinyamakuru Charlie Hebdo n'isoko ryitwa Hyper Cacher.

Mu Bufaransa, urukiko rwa rubanda, Cour d'Assise mu Gifaransa, ruratangaza ibihano byarwo ku bantu baregwa ibitero by'iterabwoba ku cyicaro cy'ikinyamakuru Charlie Hebdo.

Abaregwa bose ni 14. Bashinjwa kuba ibyitso cyangwa abafatanyacyaha mu bitero by'iterabwoba byo mu kwezi kwa mbere mu 2015 i Paris ku kinyamakuru Charlie Hebdo n'isoko ryitwa Hyper Cacher. Ibyaha baregwa birimo gufasha abaterabwoba gutegura ibitero byabo, kubahisha no kubaha intwaro.

Ibitero byahitanye abantu 17. Byagabwe n'abavandimwe babiri Said Kouachi na murumuna we Cherif Kouachi, n'undi witwaga Am├ędy Coulibaly. Bose polisi yarabarashe nabo barapfa.

Urubanza rumaze amezi atatu. Batatu mu baregwa baburanishijwe badahari. Ubushinjacyaha bwasabiye abaregwa ibihano biremereye, kuva ku myaka itanu y'igifungo kugera ku gifungo cya burundu.

Abanyamategeko bunganira abaregwa baburanye bemeza ko ubushinjacyaha bwananiwe kwerekana ibimenyetso simusiga, byerekana ko abaregwa bagize uruhare mu bikorwa byo gutera inkunga bariya baterabwoba.

Facebook Forum

XS
SM
MD
LG