Uko wahagera

Abaregwa Gushaka Gutorokesha Nyakwigendera Kizito Mihigo Basabiwe Gufungwa Imyaka 7 n'Igice


Nyakwigendera Kizito Mihigo

Ubushinjacyaha bw’u Rwanda burasaba igifungo cy’imyaka irindwi n’igice n’ihazabu ya miliyoni ebyiri n’igice ku bagabo babiri baregwa muri dosiye y’umuhanzi w’icyamamare Nyakwigendera Kizito Mihigo. Undi mugabo wa gatatu we busaba ko yafungwa amezi atandatu n’ihazabu ya miliyoni imwe y’amafaranga y'u Rwanda.

Bose baregwa ko mu mwaka wa 2020 bashatse gutorotsa Kizito Mihigo baciye mu nzira zitemewe n’amategeko. Abaregwa n’ababunganira mu mategeko barasaba ko amategeko yakurikizwa bakagabanyirizwa ibihano.

Abaregwa ni Bwana Jean Bosco Nkundimana wari umukozi wa Kizito Mihigo amufasha mu mirimo yo mu rugo, Bwana Joel Ngayabahiga na bwana Innocent Harerimana wari warafunganywe na Kizito muri gereza ya Nyarugenge iri i Mageragere. Uyu ubushinjacyaha buvuga ko Kizito Mihigo yamwigishaga gucuranga bagifunze.

Bose uko ari batatu bagaragaye mu buryo bw’ikoranabuhanga bambaye impuzankano y’iroza iranga abafungwa.

Baregwaga ibyaha bibiri: kuba icyitso cyo kwambuka cyangwa kwambutsa abaca ahantu hatemewe n’amategeko n’icyaha cyo gutanga indonke cyangwa ruswa.

Kurikira iyi nkuru mu buryo burambuye mu majwi hano ku ijwi ry'Amerika.

Abaregwa muri Dosiye ya Nyakwigendera Kizito Mihigo Basabiwe Igifungo cy'Imyaka 7
please wait

No media source currently available

0:00 0:04:52 0:00


Facebook Forum

XS
SM
MD
LG