Uko wahagera

Abantu bagera hafi kuri 700 bamaze guhabwa urukingo rw’indwara ya Ebola mu duce twagaragayemo iyo ndwara muri Repubulika iharanira demokarasi ya Kongo.

Hagati aho inzego z’ubuvuzi zikomeje gushakisha abashobora kuba baranduye iyo ndwara kugirango bakingirwe.

Abantu barenga 25 nibo bamaze kwicwa niyo ndwara kuva yongeye kwaduka muri icyo gihugu. Ishami ry’umuryango w’abibumbye ryita ku buzima OMS rivuga ko umubare w’abanduye ushobora kurenga 300 mu mezi ari imbere.

OMS ivuga ko uwo mubare ushobora kwikuba inshuro eshatu, iyo ndwara iramutse igeze mu mijyi.

Uwo muryango ukomeza uvuga ko nubwo iyo ndwara itarafatwa nk’icyorezo, ibyo bishobora guhinduka bigaragaye ko yiyongera cyangwa yarenze imbibe z’igihugu.

Facebook Forum

XS
SM
MD
LG