Uko wahagera

Abandura n'Abahitanwa na Corona mu Buhinde Babandanya Kwiyongera


Abitangira bushake bateruye ikiiga c'uwahitanywe na Corona

Umubare w’abamaze guhitanwa na COVID-19 mu Buhinde warenze 300,000 bituma iki gihugu gifata umwanya wa gatatu kw’isi. Mu gihe ubwandu bwa virusi ya corona bwasaga n’ubugabanuka mu mijyi minini, Covid-19 irimo kwogogoza ibice by’icyaro.

Uwo mubare munini w’abahitanywe na COVID-19, uje nyuma y’uko hatangiye kugemurwa inkingo nke, bikabangamira umugambi wo kurwanya icyo cyorezo. Byatumye rero benshi batabona urukingo rwabo rwa kabiri. Ubuhinde ni bwo bufite abantu benshi bahitanywe na COVID-19, nyuma y’Amerika na Brezile.

Minisiteri y’ubuzima w’Ubuhinde, uyu munsi kuwa mbere yavuze ko mu masaha 24 ashize, hapfuye abantu 4,545, bituma bose hamwe baba 303,720. Iyo minisiteri inavuga ko handuye abantu bashya barenga 222,000. Umubare mbumbe ukaba wageze hafi kuri miliyoni 27 kuva icyorezo cyadutse. Iyi minisiteri ntishidikanya ko iyo mibare yombi, ishobora kuba iri munsi y’imirare nyakuri, bitewe n’uko hashobora kuba hari abatarabaruwe.

Mu murwa mukuru, New Delhi, abaturage bapfiriye mu ngo zabo bitewe no kutabona umwuka wa Oxygene wo kubafasha guhumeka, mu gihe ibitaro byari byamaze gukoresha ibikoresho byose byari bifite. I Mumbai, abarwayi ba COVID-19, bapfiriye muri birongozi by’ibitaro aho bari bacucikiranye. Abaturage bo mu byaro, umuriro mwinshi no kutabasha guhumeka byabatwaye ubuzima mbere y’uko basuzumwa virusi ya Corona.

Gukingira mu Buhinde byagenze buhoro muri iyi minsi ishize, kandi Leta nyinshi nta nkingo zihagije zari zifite zo gutanga.

Facebook Forum

XS
SM
MD
LG