Uko wahagera

Batanu Baguye mu Myigaragambyo muri Sudani


Abigaragambya i Khartoum muri Sudan basaba Perezida Omar Al-Bashir kwegura ku butegetsi, 6/4/ 2019.

Abateguye imyigaragambyo isaba Perezida Omar al-Bashir wa Sudani kwegura ku butegetsi, baravuga ko inzego z’umutekano zishe abantu batanu mu bigaragambyaga mu masaha 24 ashize.

Kuwa gatandatu habonetse abigaragambya benshi cyane kuruta mu mezi arenga atatu ashize iyo myigaragambyo isaba Perezida wa Sudani kwegura ku butegetsi itangiye.

Kuri iki cyumweru, umuvugizi w’ishyirahamwe ry’abanyamyuga muri Sudani, Sarah Abdel-Jaleel yabwiye ibiro ntaramakuru by’Abanyamerika dukesha iyi nkuru ko abantu bane biciwe i Khartoum mu murwa mukuru ubwo abashinzwe umutekano batatanyaga abigaragambya bamaze gusatira icyicaro gikuru cya gisirikare.

Abdel-Jaleel yavuze ko undi mu bigaragambyaga yiciwe mu mugi wa Omdurman uri hafi y’umurwa mukuru.

Ibiro ntaramakuru bya SUNA bikorera Leta ya Sudani biravuga ko umuvugizi wa polisi jenerali Hashim Abdel-Rahim yemeje iby’urwo rupfu.

Imiryango mpuzamahanga iharanira uburenganzira bwa muntu ivuga ko kugeza ubu abantu 60 bamaze kugwa mu myigaragambyo yo ikomeje muri Sudani aho abaturage basaba Perezida Omar al-Bashir wa Sudani kwegura ku butegetsi.

Facebook Forum

XS
SM
MD
LG