Uko wahagera

Rwanda: Umuyobozi w'Umuseso na Visi-Perezida w'Inteko m'Urukiko - 2004-10-26


Visi-Perezida w'Inteko Ishinga Amategeko, Polisi Denis, na Bwana Charles Kabonero, umuyobozi w'ikinyamakuru Umuseso, bazatangira kuburana tariki ya kabiri z'ukwa 11 m'urukiko rw'akarere ka Nyamirambo. Urubanza rwabo ruri mu za mbere zizacibwa n'ubucamanza buvuguruye, rukaba ruri no mu manza za politike zabayeho mu Rwanda.

Bwana Charles Kabonero araregwa na Visi-Perezida w'Inteko Ishinga Amategeko ibirego bitatu biremereye. Hari ugusebya umwe m bayobozi bakuru b'igihugu, gusebanya no gukurura amacakubiri. Akaba abihera ku nyandiko yamwanditseho mu kinyamakuru ayobora, Umuseso, ubwo yamukekeragaho kuba ngo ari mu bari ku isonga m'utuzu two mu ishyaka riri ku butegetsi, FPR, kuba yarihariye amasoko ya Leta, n'ibindi.

Bwana Charles Kabonero akomeje gutsimbarara k'ukuvuga ko bwari uburenganzira bwe bwo kwandika icyo atekereza kuri politike y'u Rwanda. Ngo aniteguye kuzatanga ibimenyetso ku byo yatanze nk'amakuru mu nyandiko ye.

Muri urwo rubanza abavoka bakomeye mu Rwanda, nka Maitre Haguma Jean uzaba ari k'uruhande rwa Visi-Perezida w'inteko, na Maitre Kazungu Jean Bosco uzwi cyane m'urubanza rw'uwahoze ari Perezida, Pasiteri Bizimungu, na Charles Ntakirutinka, uzaba ari k'uruhande rwa Bwana Charles Kabonero, niho bazongera kugaragariza ubuhanga bwabo.



Shakira andi makuru yo mu karere hano.
Saba amakuru muri email yawe hano.

XS
SM
MD
LG