Indorerezi zo muri Afurika y'Epfo zitangaza ko amatora yagenze uko byari biteganijwe kandi ko umutekanowari wose ku biro by'itora bashoboye kugeraho, mu gihe Izo mu bihugu by'i Burayi zo zemeza ko n'ubwo byagenze neza ahanini hari n'ahabonetse amakosa.
Indorerezi zo muri Afurika y'epfo zikaba zemeza ko abanyarwanda bitabiriye cyane ibikorwa by'amatora kandi bari banabyishimiye ukurikije amafaranga y'u Rwanda arenga miriyoni 6 bashobye kwitangira ubwabo.
Indorerezi z'ubumwe bw'i Burayi nazo ngo nubwo hari umutuzo hari na bimwe mu bitaragenze neza. Baravuga ku buryo bwakoresheje budahuye bakanarega Paul Kagame kuba yaratanze n'ibintu mu baturage bagreranya no kugura amajwi, hari na none ngo ikoreshwa ry'abahagarariye inzego z'ibanze m‘ukujyana abantu muri meetings za KAGAME.
Mu biro by'itora ngo hari hamwe na hamwe hari abahagarariye Kagame gusa n'abahagarariye komisiyo y'amatora bari benshi indorerezi z'ubumwe bw'i Burayi zisanga byarasaga n'ibiteye ubwoba.
Izo ndorerezi kandi ziramagana uburyo Twagiramungu yarezwe cyane amacakubiri kandi bigakoreshwa cyane mu itangazamukuru. Ziranavuga kandi ko ihamagarwa rya Celestin Kabanda na bagenzi be bo muri ADP, ryari rigamije kubabuza kujyana na Twagiramungu kwiyamamaza ngo kuko bari bagaragaje ubushake bwo kumufasha.
Indorerezi z'Ubumwe bw'i Burayi zo zirasanga hari ibigomba gukorwa kugira ngo amatora y'umukuru w'igihugu azabe mu mucyo, politike ishingiye ku mashyaka menshi yubahirizwe, ndetse n’amatora ataha azakorwe mu neza.
Umuvugizi w'Umuryango w'Ubumwe bw'i Burayi, Colette Flesch,avuga ko hari n'aho amasanduku y'amatora yari yamaze kuzuzwa amajwi ya Perezida Paul Kagame; ahandi ngo hari lisiti z'abatora z'impimbano. Indorerezi z'uwo muryango kandi ngo ntizifuzwaga ku biro byinshi by'amatora.
Komisiyo y'uburenganzira bw'ikiremwamuntu mu Rwanda yo ikaba isanga amatora ngo yaragenze neza. Ngo yakozwe mu mucyo kandi uburenganzira bwa buri wese bwarubahirijwe.
Shakira andi makuru yo mu karere hano.
Saba amakuru muri email yawe hano.