Uko wahagera

Intambara Yongeye Kurota muri Congo - 2002-12-22


Nyuma yo gushyira umukono ku masezerano y'amahoro mu biganiro by'abanyekongo muri Afurika y'epfo ntibyateye kabiri maze imirwano yongera kubura ahitwa MAKOBORA hafi y'umugi wa UVIRA.

Ubu indi mirwano iravugwa ahantu hatandukanye hagati y'umutwe wa RCD-GOMA n'abamayimayi cyangwa se hagati y'uwo mutwe n'abarwanya Leta y'u Rwanda bakunze kuvuga ko ari interahamwe.

Indi mirwano ivugwa cyane ni ibera ahitwa Baraka, hose hakaba ari mu magepfo ya KIVU mu nkengero z'ikiyaga cya TANGANYIKA.

Mu gihe guverinoma ya Kinshasa irega RCD kuba ariyo yatangije imirwano ngo ifashijwe n'u Rwanda, ku wa 6 umukuru w'ingabo za RCD-GOMA, General Major Sylvain Buki, yadutangarije ko bafite ibimenyetso simusiga ko Kinshasa yohereje abasirikare n'intwaro aho BARAKA. Ngo hari indege yahapfiriye ivuye Kinshasa nk'uko abivuga, nyuma iza gutwikwa. Iyo ndege ngo bayibonye tariki ya 21 z'uku kwezi. Abaturage baho bababwira ko ngo yari isanzwe izana abasirikare n'ibikoresho, kandi ko imaze gupfa ngo yatwitswe n'abazungu babiri.

G.M S.BUKI yongeyeho ko bagiye kujyana aho iyo ndege iri abasirikare ba MONUC kugira ngo bakore iperereza.

Hagati aho na none muri KIVU y'amagepfo hakomeje kuvugwa ibitero byica bikanasahura. Abahaturiye batunga agatoki umutwe urwanya Leta y'u Rwanda bavuga ko ari interahamwe. Abaturage bane baguye muri ibyo bitero.

Ikizere cy'uko amasezerano akomeje gushyirwaho umukono azashyirwa mu bikorwa rero gikomeje kuba cyinshi.



Shakira andi makuru yo mu karere hano.

XS
SM
MD
LG