Mu myanzuro y' urubanza rwa Burigadiye Generali Wilson Gumisiriza na bagenzi be, ubushinjacyaha bwa gisirikare, bwasabiye babiri baburana batemeye icyaha, igifungo cyo gufungwa ubuzima bwabo bwose. Abo ni Burigadiye Gen. Wilson Gumisiriza na Major Wilson Ukwishaka. Ndetse n'igihano cy'inyongera cyo kwamburwa impeta za gisirikare. Babiri bemeye icyaha aribo Kap. John Butera na Kap. wavuye mu gisirikare Dieudonne Rucyeba, ubushinjacyaha bwabasabiye imyaka 15 y'igifungo kuko bemeye icyaha bakagisabira n'imbabazi. Kuri Capt. Butera hari igihano cy'inyongera cyo kwamburwa impeta za gisirikare. Mugenzi we nta gihano cy'inyongera ubushinjacyaha bwamusabiye kuko yarangije kuva mu gisirikare.
Nyuma y'ubushinjacya bwa gisirikare, urukiko rwahaye
ijambo abaregwa n'ababunganira nabo
barushyikiriza imyanzuro yabo. Mu
myanzuro y'abaregwa babiri basabiwe igihano cyo gufungwa burundu abo ni Burig. Gen. Gumisiriza na Maj. Ukwishaka,
basabye urukiko ko rwazabarenganura.
Babiri baburana baremeye icyaha Capt. John Butera na Cap.
Dieudonne Rucyeba, basabye urukiko ko rwazabagabanyiriza igihano. Butera
yasabye isukagihano. Rucyeba asaba ko yakatirwa imyaka 2 y'igifungo.
Burigadiye Generali Wilson Gumisiriza na bagenzi be batawe muri yombi ku itariki ya 11 z'ukwezi kwa 6 mu mwaka wa 2008. Urubanza rwabo ruburanishijwe mu gihe cy'amezi 3 n'igice . Urukiko rwa giirikare rwatangaje ko ruzarusoma ku itariki ya 24 z'ukwezi kwa 10 mu mwaka wa 2008