Abaturage Bagera hafi kuri Miliyoni 5 nibo Bazihitiramo
Abadepite. Komisiyo y'igihugu y'amatora yatangaje ko abaturage miliyoni 4 n'ibihumbi
934 na 233 aribo bazitorera abadepite 53 k'uburyo butaziguye. Bazaturuka mu
mitwe ya politiki ndetse no ku mukandida umwe wigenga.
Komisiyo
y'amatora ivuga ko hari abaturage ibihumbi 165 bujuje imyaka 18 yo gutora ariko
bambuwe ubwo burenganzira biturutse ku bintu bitandukanye. Harimo kwamburwa
ubwo burenganzira n'inkiko, kuba bafunze, kuba ari impunzi, kuba bafite
uburwayi bwo mu mutwe, n'ibindi.
Inteko
ishinga amategeko umutwe w'abadepite igizwe n'abadepite 80. 53 batorwa mu buryo butaziguye ni ukuvuga
batorwa n'abaturage bose bagejeje igihe cyo gutora naho 27 basigaye batorwa mu
buryo buziguye ni ukuvuga ko badatorwa n'abaturage bose bagejeje igihe cyo
gutora.
Komisiyo
y'igihugu y'amatora yatangaje iyo lisite mu gihe hasigaye iminsi 15 kugira ngo
ayo matora abe ishingiye ku biteganywa n'itegeko riyagenga.