Uko wahagera

Umutwe w'Abadepite Warashehwe mu Rwanda


Itegeko nshinga ry'u Rwanda ritegekanya ko Perezida wa Repubulika y'u Rwanda asesa umutwe w'abadepite mbere y'ukwezi, kugira ngo abadepite bandi batorwe, Perezida Paul Kagame yasheshe umutwe w'abadepite kuya 14 y'ukwezi kwa 8 mu mwaka wa 2008. Ni mu rwego rwo kwitegurira amatora y'abadepite ateganijwe kuva kuya 15 kugeza kuya 18 z'ukwezi kwa 9 mu mwaka wa 2008.

Perezida w'umutwe w'abadepite, Alfred Mukezamfura, yatangaje ko iyo nteko yari igizwe n'abadepite 80. Baturutse mu mitwe ya politiki 7, mu bafite ubumuga, mu bagore, ndetse no mu rubyiruko.

Abadepite bacyuye igihe batoye ndetse bavugurura amategeko atandukanye, harimo kuvugurura ubugira gatatu itegeko nshinga, kuvugurura itegeko ry'itangazamakuru, itegeko rigenga imikorere y'inkiko, n'andi.

Mu ijambo rya Perezida w'u Rwanda, Paul Kagame, yashimye abadepite bacyuye igihe ko bagaragaje ubwitange mu mirimo yagombaga gukorwa.

Aba badepite bacyuye igihe, bari batowe mu mwaka wa 2003. Abo mu mitwe ya politiki batowe k'uburyo butaziguye. Abaturutse mu bafite ubumuga, mu bagore, ndetse n'urubyiruko, batorwa k'uburyo buzigu

XS
SM
MD
LG