Raporo ya
komisiyo ya Mucyo yashyizwe ahagaragara. Mu izina rya guverinoma y'u Rwanda,
Minisitiri w'ubutabera, Tharcisse Karugarama, niwe washyize ahagaragara raporo
yerekana ko u Bufaransa bwagize uruhare mu buryo butaziguye muri jenoside
yakorewe abatutsi mu mwaka w'i 1994.
Iyo
raporo igabanije mu bice 5 by'ingenzi. Igice cya mbere cyerekana ko u Bufaransa
bwari buzi ko hari jenoside iri gutegurwa. Igice cya kabiri cyerekana uruhare rw'u Bufaransa mu bikorwa
by'ingenzi byo gutegura jenoside. Igice
cya gatatu cyerekana uruhare rw'u Bufaransa mu ishyirwa mu bikorwa ry'umugambi
wa jenoside. Igice cya kane kivuga k'uburyozwe bw'ingabo z'u Bufaransa mu
gukomeza ibikorwa bya jenoside mu gace kiswe ak'ubutabazi bubinyujije mu cyiswe
operation turquoise. Igice ya 5 cyerekana abayobozi bo mu nzego za politiki
n'iza gisirikare z'u Bufaransa bagize uruhare rugaragara muri jenoside.
Igice cya nyuma kigaragaza urutonde rw'abantu 33. 13 ni
abayobozi mu rwego rwa politiki, naho
20 ni abayobozi mu rwego rwa gisirikare barimo abasirikare bakuru b'u Bufaransa
6 bayoboraga zone turqouise. Barangajwe imbere na Francois
Mitterand wabaye Perezida w'u Bufaransa kuva mu mwaka w'i 1981 kugeza mu mwaka
w'i 1995.
Raporo ya
Mucyo igiye ahagarara nta mubano ukirangwa hagati y'u Rwanda n'u Bufaransa. U
Rwanda rwacanye umubano n'u Bufaransa mu kwezi kwa 11, mu mwaka w'i 2006,
biturutse ku mpapuro zo guta muri yombi abasirikare 9 b'u Rwanda, zatanzwe
n'umucamanza wo m'u Bufaransa Jean
Louis Bruguere.
Nyuma y'itangazwa ry'iyi raporo, ibizakurikira byahariwe ubutabera.
Soma iyo raporo kuri: http://www.minijust.gov.rw/news.html
N'inyishu y'Ubufransa kuri: www.diplomatie.gouv.fr
--