Uko wahagera

Urubanza rw'Umunyamakuru Bizumuremyi Rwongeye Kwimurwa


Ku ya 5 Kamena 2007, byabaye ku nshuro ya 3, urubanza rw’umuyobozi mukuru w’ikinyamakuru kigenga, Umuco, Bwana Bizumuremyi Bonaventure, rusubikwa.

Umunyamakuru Bizumuremyi, yatangarije Ijwi ry’Amerika ko atamenye impamvu yatumye urwo rubanza rwe rusubikwa. Bizumuremyi hamwe n’umwunganira, Rwangampuhwe, bakaba batigeze nabo bageza ikirenge ku rukiko rw’ibanze rwa Nyarugenge, rukurikirana urwo rubanza.

Umunyamakuru Bizumuremyi, akurikiranweho n’ubushinjacyaha, ibyaha birimo gutukana no gusebya abayobozi b’igihugu. Ibyo byaha, yabikoze mu nyandiko zasohotse mu kinyamakuru umuco abereye umuyobozi.

Umunyamakuru Bizumuremyi, n’umunyamakuru wa 3 ugejejwe imbere y’urukiko mu Rwanda, kuva mu ntangiriro za 2007.

Urubanza rw’umunyamakuru Bizumuremyi, rwimuriwe kuya 19 Kamena 2007, nk’uko Bizumuremyi yabidutangarije.

XS
SM
MD
LG