Kuwa 22 Gashyantare 2007 Muri Jali Club i Kigali hafunguwe ku mugaragaro imurikagurisha rigaragaza ibikorwa by’abagore bo mu Rwanda.
Iryo murikagurisha ryafunguwe na Madamu wa Perezida w’u Rwanda, Jeannette Kagame, ari kumwe n’umufasha wa Minisitiri w’Intebe w’Ubwongereza, Madamu Cherie Blair, waje mu Rwanda kwitabira inama mpuzamahanga y’abagore bo mu nteko zishinga amategeko zo ku isi.
Muri iryo murikagurisha, Abanyarwandakazi bamurika ibintu bitandukanye bikozwe mu bikoresho gakondo by’u Rwanda, nk’uduseke, ibikapu biboshye mu birere, n’ibindi bihangano bikoze mu bugeni n’ubukorikori gakondo.
Abagore baturutse mu bice bitandukanye by’u Rwanda bitabiriye iryo murikagurisha, rikaba ryarateguwe n’urugaga rw’abikorera ku giti cyabo bo mu Rwanda.
Tubabwire ko iryo murikagurisha ari kimwe mu bikorwa biranga inama mpuzamahanga y’abagore bo mu nteko zishinga amategeko bo hirya no hino ku isi ririmo kubera i Kigali kuva kuwa 22-23 2007. Iryo murikagurisha ryatangiye kuwa 21 Gashyantare 2007, rikazarangira kuwa 24 Gashyantare 2007.