Umupfasoni Janet Nkubana ayoboye societe Gahaya Links ikora uduseke dushoregwa muri Amerika avugak o igikogwa c'ukujisha utwo duseke kigenda neza. Igitigiri c'abapfasoni bakora utwo duseke kiramaze kwiyongera.
Umupfasoni Nkubana avuga ko mu mwaka urangiye societe, Gahaya Links yashoboye kugurisha uduseke tw'agaciro kagera ku bihumbi amajana atanu y'Amadolari y'Abanyamerika.
Utwo duseke twatanguye ugurishwa muri Amerika mu kwezi kwa gatanu gushika mu kwezi kw'icumi mu mwaka uheze. Ibice mirongo irindwi kw'ijana vy'amafranga yavuye muri utwo duseke ni yo yashoboye kwinjira mu banyagihugu mu Rwanda.
Umupfasoni Nkubana avuga ko muri uyu mwaka bafise imigambi y'ukwongereza ibikogwa vyabo ku buryo bazoshobora kugurisha uduseke tw'agaciro k'umulioni w'Amadolari y'Abanyamerika. Arishimiye ko bazobishikako kubera Abanyarwanda babifisemwo ubushake.
Umupfasoni Nkubana avugako ibintu vy'utugenegene barungika muri Amerika
bidatanga amatagisi hisunzwe itegeko rya AGOA rijejwe kwongereza ubudandaji hagati ya Amerika n'akarere ko muri Afrika.
Ikiganiro kirambuye n’umupfasoni Nkubana haruguru.