Igitero c’Uburusiya mu gisagara ca Kharkiv, kiri mu buraruko bushira ubuseruko bwa Ukraine, cabaye inyuma y’ibitero vya drone Uburusiya bwakoze mu bice bitandukanye vya Ukraine. Bulamatari w’intara ya Kharkiv, Oleh Syniehubov, mu butumwa ku rubuga Telegram, yatangaje ko ibisigarira vya drone yasambuwe vyononye ivyuma bitwara umuyagankuba muri ico gisagara.
Igisirikare ca Ukraine catangaje ko ibikoho vyaco birasa misile na drone vyasambuye drone 56 kuri 77 zakoreshejwe n’inteko z’Uburusiya mu bitero vyazo. Cavuze ko izo drone zasamburiwe hejuru y’intara za Cherkasy,
Cheemihiv, Dnipropetrovsk, Kharkiv, Kiev, Odesa, Poltava, Sumy, Vinnystia, Zaporizhzhia na Zhytomyr. Bulamatari w’intara ya Dnipropetrovsk, Serhiy Lysaka, mu butumwa ku rubuga Telegram, yatangaje ko ibitero vya drone na vya muzinga vy’Uburusiya vyononye inzu zirenga 10 muri iyo ntara.
Ubushikiranganji bujejwe kwivuna abansi bw’Uburusiya, kuri uyu wa kane, bwavuze ko igisirikare cabwo casambuye drone 20 za Ukraine, zakoreshejwe mu bitero vyo mw’ijoro ryashiriye kuri uyu wa kane. Ubwo bushikiranganji bwamenyesheje ko igice c’izo drone zasamburiwe hejuru y’igice c’ibahari ca Azov. (VOANEWS)
Forum