Uko wahagera

Sudani: Abarenga 700 Baguye mu Ntambara mu Mujyi wa Al-Fashir


Umusirikare wa leta mu birindiro
Umusirikare wa leta mu birindiro

Umuyobozi mukuru w’ishami ry’umuryango w’abibumbye ryita ku burenganzira bwa muntu, kuri uyu wa gatanu, yavuze ko abantu barenga 700 bishwe mw’ifatwa rya el-Fashir ya Leta ya Darfur ya ruguru, guhera mu kwezi kwa gatanu.

Uwo muyobozi yasabye abitwara gisirikare b’umutwe wa Rapid Support Forces (RFS) kurekura uwo mujyi.

Mw'itangazo, komiseri mukuru w’ishami ry’umuryango w’abibumbye ryita ku burenganzira bwa muntu, Volker Türk, yavuze ko ifatwa ry’uwo mujyi “n’imirwano idahwema byangiza ubuzima buri munsi ku rwego rwo hejuru. " Yakomeje asobanura ko ibintu nk’ibyo bihangayikishije bidashobora gukomeza, ko ingabo za RSF, zigomba kuharekura.

Ibiro bya ONU bishinzwe uburenganzira bwa muntu byagaragaje mu nyandiko ko abasivili byibura 782 bapfuye kandi ko abandi barenga 1.143 bakomeretse guhera mu kwezi kwa gatanu. Ibyo biro bitanga ibimenyetso bishingiye ku biganiro n’abahunze ako karere.

Ibyo biro byavuze kandi ko ibitero nk'ibyo byibasira abasivili, bishobora kugera ku rugero rw’ibyaha by'intambara. Impande zombi zagiye zihakana kwibasira abasivili kandi zagiye zitana ba mwana mu bijyanye n’ibitero byakorewe el-Fashir no mu bice bihegereye.

El-Fashir ni umwe mu mijyi yabaye isibaniro hagati ya RSF n’ingabo za Sudani n’abafatanya nazo, barwanira kugumisha ikirenge mu ntara ya Darfur. Indorerezi zifite ubwoba ko intsinzi ya RSF, ishobora guteza ukwihimura gushingiye ku moko, nk'uko byagenze mu burengerazuba bwa Darfur umwaka ushize. (Reuters)

Forum

XS
SM
MD
LG