Muri Kongo, Abanyamadini batandukanye bo muri Teritware ya Mwenga iri mu ntara ya Kivu y’epfo bafatanije n’abagize sosiyete sivile bakoze imyigaragambyo yo gusaba kubakirwa umuhanda wa kaburimbo ndetse no guhagarika icukurwa ry’amabuye y’agaciro bikorwa na sosiyete z’Abashinwa mu buryo butewe n’amategeko.
Abaturage barimo abanyeshuri, abapadiri, abapasitori n’abagize sosiyete sivile bakoze imyigaragambyo bava ahitwa Kalingi berekeza kuri Meri ya Kamituga. Bamwe mu bitabiriye iyi myigaragambyo, bari bafite ibyapa bisaba leta guhita yubaka umuhanda wabahuza n’utundi turere.
Bimwe muri ivyo vyapa birimwo ikiri kuri iyo foto, vyarimwo amajambo agira ati:" Turasaba ko hubakwa umuhanda w’igihugu (route nationale numero 2 uva Bukavu, ukanyura Walungu, Kamituga kugera Kasongo, werekeza Mwenga. . Turasaba ko basubiramo ingengo y’imali bagashiramo teritware ya Mwenga n’umujyi wa Kamituga muri iyo ngengo y’imali ya 2024-2025‘’
Abandi nabo bagendaga baririmba ko badashaka sosiyete z’Abashinwa zicukura amabuye y’agaciro mu karere kabo. Bamwe muri bo babwiye Ijwi ry'Amerika ko
ko izi sosiyete z’abashinwa zicukura amabuye ya zahabu ahitwa Lugushwa, Kitutu, Kaboke, Suguru, Mitobo zidafite icyo zibamariye.
Bavuga ko zitubahirije amwe mu masezerano bagiranye nazo arimo kububakira amashuri, ibiraro, imihanda, ibitaro, sitade ndetse no guha za buruse zo kwiga bamwe mu banyeshuri bo muri ako karere gacukurwamo zahabu.
Wakelelaga Ferdinand, umuyobozi wa sosiyete sivile muri teritware ya Mwenga, yari mu bari bitabiriye iyo myigaragambyo. Yavuze ko babujije abashinwa kongera gucukura amabuye y’agaciro muri Mwenga mbere yuko bakora umuhanda wa Bukavu kugeza Kasongo.
Yagize ati:" Abaturage ba Mwenga n’umujyi wa Kamituga guhera kuri uyu wa mbere turavuze ngo ntidushaka imodoka z’Abashinwa zitwara ibitoro zinyura mwenga ndetse zicukura na mabuye y’agaciro mbere yuko bashira kaburimbo mumuhanda wa Bukavu- Kamituga na Kasongo."
Abari muri iyi myigaragambyo bemeje ko sosiyete z’abashinwa zicukura zahabu muri Mwenga zangije ibidukikije birimo imirima, ibiraro imigezi, imihanda ndetse n’amashyamba.
Ijwi ry’Amerika ryagerageje kuvugisha ushinzwe itangazamakuru muri sosiyete y’Abashinwa ya yellow stone icukura amabuye y’agaciro i Mwenga bwana Alphonse Kisura, telefone ye ntiyanyuramo.
Teritware ya Mwenga icukurwamo amabuye y’agaciro arimo zahabu, Safiri, Kolota na Gasigereti
Fyonda hasi wumve ibindi kuri ino nkuru ya Vedaste Ngabo.
Forum