Irushanwa rya Basketball Africa League, BAL, rimaze gutangaza imijyi ine izakira imikino y'iryo rushanwa umwaka utaha wa 2025.
Mu mikino y'amatsinda , imikino y'itsinda rya Kalahari izakinirwa mu mujyi wa Rabat mu gihugu cya Maroke kuva tariki 5-13 z'ukwezi kwa Kane.
Iyo mikino izakurikirwa n'iyo mu itsinda rya Sahara izakinirwa I Dakar muri Senegali guhera tariki ya 26 y'ukwezi kwa Kane kugera tariki 4 y'ukwezi kwa Gatanu.
Naho imikino yo mu itsinda rya Nil, yo izakinirwa I Kigali mu Rwanda kuva tariki 17 y'ukwezi kwa Gatanu kugera tariki 25.
Imikino ya nyuma ya BAL izakinirwa I Pretoria muri Afrika y'epfo guhera tariki 6-14 z'ukwezi kwa Gatandatu. Bizaba bibaye ubwa mbere imikino ya nyuma y'iri rushanwa idakiniwe mu Rwanda kuva iri rushanwa ritangiye mu 2021.
Forum