Uburusiya, kuri uyu wa kane, bwatangaje ko igisirikare cabwo cafashe ibindi bisagara bitoyi bibiri mu ntara za Donesk na Lugansk, mu buseruko bwa Ukraine.
Ivyo ni Mykolaivka, hafi y’ibilometero 15 umuntu avuye mu gisagara ca Pokrovsk mu ntara ya Donetsk, n’igisagara gitoyi ca Stelmakhiva mu ntara ihana urubibe na Donetsk ya Lugansk.
Bibaye mu gihe inteko z’Uburusiya zibandanya gutera zigira kure cane mu buseruko bwa Ukraine. Ziriko zitera zegereza igisagara gifise akamaro gakomeye cane ca Pokrovsk, cigeze kuba kibamwo abantu 60,000.
Naho inteko za Ukraine ziherutse kwinjira ku butaka bw’Uburusiya zigafata ibice vy’intara ya Kursk iri ku rubibe na Ukraine, Uburusiya bwabandanije gushira uburyo n’inguvu zabwo cane mu ntara irimwo amahinguriro ya Donetsk, iri mu buseruko bwa Ukraine.
Forum