Polisi ya Ukraine yavuze ko ibitero byagabwe n’ingabo z’Uburusiya byishe abantu babiri mu ntara ya Sumy mu majyaruguru y’uburasirazuba bw’igihugu.
Guverineri w'intara ya Kharkiv mu burasirazuba, ihana imbibi n'Uburusiya, Oleg Synegubov na we yavuze, abaturage babiri baguye mu kindi gitero cyabaye muri iyo ntara. Uyu muyobozi yavuze ko inkeragutabara zavanye umurambo mu matongo y’inzu yasenywe n’ikindi gitero cyabaye mu ntangiriro z'iki cyumweru.
Guverineri w’intara ya Donetsk, Vadym Filashkin, yatangaje ko hari undi muntu waguye mu gitero cyagabwe muri ako karere.
Uburusiya bwakomeje ibitero byabwo byo kwihimura mu ntara ya Donetsk ari na ko bugerageza kurwanya ibitero bya Ukraine byo kwitabara mu ntara yayo ya Kursk yo ku mupaka.
Ukraine irimo guhungisha abaturage bo mu mujyi wa Pokrovsk no mu bice biwuzengurutse. Ni nko mu birometero 10 uvuye aho imirwano ibera, aho abayobozi bavuga ko hakiri abantu 50.000.
Naho mu mujyi wa Kherson uherereye mu majyepfo, wabohojwe muri 2022, ariko ukaba uri, aho ushobora kugerwaho n’ibitero by'Uburusiya, abantu babiri barapfuye abandi batanu barakomereka, nk'uko guverineri Oleksandr Prokudin, yabitangaje. (AFP)
Forum