Inzego zijejwe umutekano n'iz’igipolisi muri Isirayeri, kuri uyu wa mbere, zatangaje ko bombe yaturikijwe ku musi w'Imana ku murwa mukuru, Tel Aviv yari igikorwa c'iterabwoba, ataco cashitseko.
Amakuru yatangajwe yavuze ko umuntu umwe yakomeretse igihe iyo bombe yaturika, yajanywe mu bitaro. Mw’ijoro ryo ku musi w’Imana, umutegetsi mukuru w’igipolisi ku murwa mukuru wa Isirayeri, Tel Aviv, Peretz Amar, yavuze ko uyo ari we muntu wenyene yakomeretse. Yatangaje ko ikiziga catowe cari ic’uwari atwaye bombe. Peretz yavuze ko bigoye muri iki gihe kumenya umugambi w’uwakoze ico gitero kubera izina ryiwe ritaramenyekana muri iki gihe. Amasanamu ya videwo yerekanye umuntu ahetse isaho yarimwo bombe.
Naho izina ry’uwikekwa mu gitero co ku musi w’Imana ritaramenyekana, ibinyamakuru vyo ku murwa mukuru Tel Aviv vyatangaje ko uwagiteye afise imyaka iharurwa mu 50. Mw’ijoro ryo ku musi w’Imana, igipolisi carakuye ibisigarira vya bombe mu kibanza yaturikiyemwo. (AP)
Forum