Muri republika ya demokarasi ya Kongo, abarenga 5 baguye mu myiyerekano yo kwiyamiriza ibitero bikekwa ko bimaze iminsi bigabwa n’abarwanyi b’umurwi wa ADF wiyitirira idini rya isilamu, mu bice bitandukanye vya Kongo.
Ivyo bitero birimwo ico muri ino ndwi, cahitanye abarenga 40 bo mu kigwati citwa Mayikengo, n’ico mun ndwi iheze cahitanye abarenga 80 bo mu buseruko bwa Kongo.
Abaguye mu myiyerekano y’uno munsi bahitanywe n’ugutana mu mitwe kwahuje abiyerekana n’abajejwe gucungera umutekano baburizamwo imyiyerekano yabereye mu gisara ca Butembo. Aba, barimwo abasivile, abasirikare, n’umukozi w’iperereza rya Kongo. (AFP)
Forum