Uko wahagera

Impirimbanyi Narges Mohammadi Ashinja Irani Kwica Urubozo Imfungwa


Impirimbanyi Narges Mohammadi Mohammadi, w’imyaka 52
Impirimbanyi Narges Mohammadi Mohammadi, w’imyaka 52

Impirimbanyi y’uburenganzira bwa Muntu, Narges Mohammadi, wahawe igihembo cy’amahoro cyitiriwe Nobel, arasaba rubanda gushyigikira ubukangurambaga yatangiye bwo kwamagana ihohotera rishingiye ku gistina rikorerwa imbirimbanyi n’abigaragambije bafungiye muri gereza.

Iyi mpirimbanyi y’uburenganzira bwa muntu ifunze yanditse ku rubuga rwa Instagram ko ihohoterwa rishingiye ku gitsina rikoreshwa nk’intwaro z’iyicarubozo, kandi gukubitwa, gufata ku ngufu, gutera ubwoba no guhatirwa kwemera ibyaha, byifashishwa na za leta mu gucubya abazamagana. Yasabye izindi mfungwa gushyira hanze ibyo zikorerwa.

Iyi nyandiko yavuze ku byerekeye iyicarubozo ryakozwe muri gereza ya Kahrizak mu myaka ya za 1980 avuga ko bamwe mu bategetsi ba Repubulika ya Kiyisilamu ya Irani biyemereye ko bakoreye zimwe mu mfungwa ihohotera rishingiye ku gitsina.

Gereza ya Kahrizak iri mu majyepfo y’umurwa mukuru wa Tehran yamenyekanye cyane kubera iyicarubozo bivugwa ko ryakorerwaga abafungwa bari bahafungiye nyuma y’imyigaragambyo yo muri 2009 yakurikiye amatora yabaye muri icyo gihugu.

Mohamadi aravuga ko, na n’ubu, iryo hohotera rigikomeje ariko ubutegetsi bwo muri Irani burabihakana bugatera utwatsi ubusabe bw’imiryango mpuzamahanga iharanira uburenganzira bwa muntu busaba ko byakorwaho iperereza ryigenga.

Mohammadi, w’imyaka 52, avugwa kuba yarakatiwe n’urukiko gatatu kose kubera kuvugira mu ruhame yamagana ihohoterwa. Azongera kuburanishwa bwa kane tariki 8 z’uku kwezi

Forum

XS
SM
MD
LG