Uko wahagera

Abahuti bo muri Yemeni Barashe Ibisasu ku Bwato Busimbukiraho Indege z’Amerika


Inyeshyamba zo muri Yemeni zatangaje ko zarashe ibisasu ku bwato busimbukiraho indege z’abanyamerika nyuma y’ibitero by’indege bagabweho n’abasirikare b’Amerika n’Ubwongereza. Izi nyeshamba zivuga ko ibyo bitero byahitanye abantu 16.

Izi nyeshyamba z’abahuti bo muri Yamen zishyigikiwe na Irani zatangaje aya makuru kuri uyu wa gatanu. Zavuze ko zigiye gukaza ibitero mu nyanja itukura nyuma y’ibitero bakomeje kugabwaho. Izi nyeshyama zavuze ko ibitero by’indege z’Amerika byahitanye abantu 16, abandi 40 barakomereka.

Ibiro ntaramakuru by’abafaransa byatangaje iyi nkuru byavuze ko bitashoboye kugenzura ibivugwa n’izi nyeshyamba ko ari ukuli. Bibaye ari ukuli, cyaba ari cyo gitero cya mbere gihitanye abantu benshi icyarimwe, nyuma y’uko Amerika n’Ubwongereza batangiye ibikorwa byabo mu kwezi kwa mbere byo kurinda inzira yo mu mazi ikoreshwa cyane mu bijyanye n’ubucuruzi.

Kuva mu kwezi kwa 11, izi nyeshyamba zigenzura igice kinini cya Yemeni, zakoze ibitero byinshi bya misile n’iby’utudege tutagira abapilote mu nyanja itukuru mu rwego rwo gushyigikira abanyepalestina bo muri Gaza kubera intambara ya Isirayeli na Hamasi.

Umukuru wazo Mohammed al-Bukhaiti yanditse kuri rubuga rwa X rwahoze rwitwa Twitter,ko badakangwa namba n’Abanyamerika n’Abongereza.

Ku ruhande rw’Ubwongereza, Ministiri w’intebe waho Rishi Sunak, yavuze ko ingabo z'Ubwongereza ari zo zagabye ibitero ku nshuro ya gatanu ku birindiro by'abahuti bo muri Yemeni. Yumvikanishije ko hamwe n’Amerika, ibi bitero byakozwe mu rwego rwo kurushaho guca intege abo barwanyi no kurandura iterabwoba rikorwa bakora.

Forum

XS
SM
MD
LG